木奈賓
- Aug 29, 2018

Tesla 玩無線充電？$500 買起 Tesla Qi 尿袋

無睇錯，$500 港元就可以買起 Tesla，不過只是 Tesla 官方推出的無線手機充電器而已。不意外吧，畢竟 Tesla 非第一次推出手機充電器，只是今次玩「無線」而已！新產品符合 Qi 無線充電標準，賣 US$65，即大約 $500 港元。電動車的電量重要，而作為手機充電「尿袋」，電量同樣重要。Tesla Qi 無線充電器配有 6000mAh 電池，話大唔大話細唔細，叫做可以無線充電就比較方便（當然要你部手機都兼容先得）。

Tesla 相關報道 >>> Tesla 3 香港出車攻略

假設你部手機不兼容無線充電，又想擁有 Tesla 這款充電器，都依然可以透過尿袋內置的 USB-C 線，插去你部手機充電。又如果你部手機不是 USB-C 插頭，而依然堅持想買這部 Tesla 充電器，就請自備轉接線吧！尿袋的無線輸出有 5W，插線的話有 1.5A。暫時只限美國網上店有售，香港就未見有。實際一點的話，去電腦商場，用這個價錢，應可買到兩個尿袋吧！記者找資料時發現，原來 Tesla 之前推出過一個外形像 Supercharger 的桌面手機充電座，用充電線穿過這個充電座時，就像真正的 Supercharger 般，為手機充電了，賣價為 US$45。